تقبشوا قلبي شو مهضومين لما بتطلعوا على الشاشة … بيحتار الواحد ع شو بده يتطلّع … على الوجه اللي متل القمر بفضل دكاترة التجميل المحترفين … والا على الكسمات … يييي ريته ما يبلى السيليكون والبوتوكس …

بس هادا كله ما بيغني عن فستان يظهر أكثر ما يخفي … ما هو بس على دوركن صارت قمصان النوم أستر بكتير من الفساتين … عفواً، هي لسه اسمها فساتين؟؟؟

مع هالطلاّت المنوّرة … ما عاد مهم يكون صوتك حلو … ولا مهم تكون الكلمات حلوة … اقلك ولا حتى اللحن مهم … العين هي بس اللي بتحكم وطز في الفن …

الله يرحم زمانك يا أم كلثوم … لو لسه عايشة في زمن الواوا … كنت انتحرتي!

وليك الواوا بوس الواوا خلّي الواوا يصحّ

ولما شفت الواوا بسته صار الواوا بح

والك جائزة اذا بتعدّلنا كم واوا يوجد في جسد المؤدية … عفواً … بس عد كم واوا وردت في الأغنية

ولا تلعب بالنار … واوا أح

ولا تخليني غار … واوا أح

وأح ما أبرد وجهك!!

وأنا دانا أنا دندن … وفتّح عينك تاكل ملبن

وأنا دانا بتشخلع وبتدلّع وغصب عن الراضي والزعلان بتمايع!!

وغصب عنا والله دخلتي بيوتنا ووصلتي لولادنا وبناتنا … وصاروا يرددوا أغانيكي أكثر من النشيد الوطني في طابور الصباح …

وحط النقط على الحروف … قبل ما نطلع سوا ع الروف 

الاخت بتعطي دروس مجانية للشغالات والمربيات وأي ستات تحصل على إذن بالدخول إلى بيتك أختى المواطنة … ديري بالك على جوزك وولادك … ليروحوا يطلعوا على الروف مع الأخت الفاضلة بوسي عشان تحط معاهم شوية نقط على شوية حروف …

وكل ما بشوفك بخاف ما ارجعش اشوفك مالي قلبي غرام … أها أها

وهاي الأخت طلعت من مجلة بلاي بوي بالغلط ولقت حالها قدام الكاميرا لايف … قالتلك خليني أفقعها أغنية بالمرة …

وانت اللي ولّعت النار وخليت الليل نهار 

يا حرام على الكوابيس اللي بيعيشها صاحب الأغنية الصرعة … لكنه عمل إنجاز ضخم في العالم العربي وهو اثبات أن الإغراء فن يتقنه الرجال أيضاً … هاظا اذا قبلوا الرجال إنه الأخ ينحسب عليهم!

وانت لأ وهو آه

ومن منا لم يسمع أو يرى نجلا؟؟ خليني ساكتة أحسن

والعب العب … وتكدب عليّ كده ليه

وقريباً مدارس ماريا في كل مكان عشان تعلّم بناتنا كيف يدعسن بكيكة عيد الميلاد … لأنه هاي من أهم علامات الدلع …

صارت آذاننا مزابل يلقي فيها كل هؤلاء كلام وحركات وايحاءات زبالة … وكله في سبيل شوية مصاري بيهون … والأهل غفلانين وكل فكرهم انه اولادهم وبناتهم عم بيتفرجوا على قناة موسيقى بريئة … وقال شو زعلانين من ستار أكاديمي … أي شو بيطلع الأخير جنب جميع ما ذكر أعلاه؟؟ والله حالة بتخزي …

بنرجع وبنقول … صرنا عايشين في زمن الواوا … وماذا أرى يا هل ترى … وبمقلتيّ هاهنا أرى … كل الأنوف تدلدلت … وكأنها صبحت ورى … وعجبي!!

وفي Update لفت انتباهي صديقي Dar إلى الأخت مروة

والصراحة راحة يا عيني وانت ما بتعرفش
الصراحة راحة يا سيدي وانت ما بتقدرش
وح اكسّرلك صباعك وأجبّسلك دراعك
ياللي يا للي ما بتعرفش … وحاحا

طلعنا من الأح ودخلنا في الحاحا والمطرب الحمبولّي وأمّا نعيمة خلّي عليوة يكلّمني

وإن نسيت، كيف أنسى تينا؟

ساعة بتتقرّب ساعة بتتهرّب
خايف من إيه وصابر على إيه
مش عاوز تعرف؟
عاوز أو مش عاوز؟

الملاحظ في كليبّات الأخت تينا أن التخت جزء لا يتجزّأ من الديكور … الله يعينها … بتتعب
مش بتتعب؟؟؟